GoGo Blog

***

http://zeo.blog.gogo.mn — Thu, 17 May 2012 06:13:15 ULAT

***

Арван найм дахь хаврын сүүлийн бороонд

Алгаа тосоод тэнгэр өөд ширтэх охин

Ганцаардал тас атгачихаад гуниглуулж шиврэхэд

Гэнэн инээмсэглэлээрэй тосон зогсоно

Үсээ задгайлан маргааштай ярилцаж

Үдшээр хүсэл бурээ оддод шивнэнэ

Харцанд нь үл мэдэг борооний дусал нуугдаастай

Нэр шигээ мөрөөдөл шигээ яг л тийм цагаахан охин

Харанхуйн дуу аялан хүлээхдээ

Нэг нас нэмэх салхины урсгалд өчигдөртэй ярилцан инээмсэглэнэ.

Саргүй энэ л шөнөөр . . .

http://zeo.blog.gogo.mn — Thu, 29 Mar 2012 08:25:55 ULAT

Саргүй шөнө...

Саргүй энэ л шөнө ододтой ярилцаж хонохдоо

Түүнийг асууж шөнөжин хайснаа шивнэсэн

Тэд хэлэхдээ үүлний цаагуур нуугдчихаад

Санаа алдан нулимс унагасан гэсэн чамайг.

Алган дээр минь бөмбөрөх бороон дуслууд

Алаг нүдний чинь урсгал байсныг анзаарсангүй ээ

Арагш харан сэтгэлээ бүү далдлаач

Аргадуулж ганцхан надад л гомдлолооч.

Хүлээнэ...

Үлээхэд чинь чимээгүйхэн хийсчихээд

Үлдэх сэтгэлээ зүрхэндээ цоожлочихоё

Цэлмэг тэнгэр болоод л өнгөрье нэгхэн өдрийн

Цэлэлзсэн нулимсны чинь дусал болоод урсчихаад

Сүүдрээ түүн дээр минь бүү тусга гээд хэлчихсэн

Инээмсэглэлээр харин гэжигдэж санагдахдаа

Сүүмэлзэхгүй гэж тэр дурсамжууд надад амласан

Ирээдүй чинь цацарахад наддээр гийнэ гэж.

Бэлэн...

Зүрхээ л надад өгвчихвөл хамаагүй

Тунхаглая ганцхан минийх гэж

Түүртэхгүй анхны үнсэлтээрэй

Тамгалая уруул дээр чинь, хайртай гэж

Ядам хуруунд чинь ганцхан чинийх гэдэг үгээр

Ягаан шигтгээт бөгжөөр андгайлая

Аргадаж үлдсэн ганц од чинь болж

Ариухан сэтгэлийн чинь ганц эзэн нь байя

Бодсон...

Ижийтэйгээн би чамайг зүйрлэе

Итгэл, сэтгэл чинь тийм л ариухан

Цаана орших ертөнц чинь яг л сүү шиг

Цав цагаан гэрэлтэй

Цацаргаж буй инээмсэглэл чинь

Цахирмаа цэцэг шиг шидтэй

Үзэсгэлэн гэдэг үг түүний өмнө бөхийж

Үнэхээр гэдэг үг уулга алдан биширнэ.

Инээмсэглэлт минь...

http://zeo.blog.gogo.mn — Thu, 29 Mar 2012 08:25:11 ULAT

Инээмсэглэлт минь...

Оч гэрэлтсэн инээмсэглэлт минь

Үл мэдэг гуниг харцнаас чинь дуслаа юу?

Од харвасан үдэш, мишээлт минь

Үүр цайтал гуниг шивнээ юу?

Өчигдөр унагасан нулимсанд чинь

Зүрх минь хатаж амжаагүй байтал

Өглөөхөн ахиад л шаналчихлаа

Зүйгээд сэтгэлээ хамт оёчихъя бүү гунигладаа

Инээх тоолонд чинь

Хоосон орон зай үгүй болдог оо

Инээмсэглэлт минь

Цор ганц мишээлт минь...

Зовнил...

http://zeo.blog.gogo.mn — Wed, 14 Mar 2012 06:37:00 ULAT

Зовнил...

Өрөөсөн далавчийг чинь гэмтсэнийг би олж харлаа

Өнгөрсөнийг тэгтлээ юунд санагалзана вэ?

Зовхины чинь цаанаас цухуйх хөнгөхөн гуниг

Зовоогоод байх шиг чамайг минь хүлэх шиг

Инээмсэглэлээрээ чи далдлах юм өтгөн мананг

Итгэхэд хэцүү ч тэр л үед яг мэдрэх юм зовинолийг

Салхивчны чинь завсраар гунихрал би олж үнэртсээн

Сааралтаж бүүдийсэн тэр бодролууд энд тэнд холхих юм

Харцны чинь гүнд нуугдах шаналал

Хатгаад үе үе сэтгэлийг чинь дагуулан шумбах шиг

Хаанаас гарах энэ их зориг, тэвчээр, хайр, энэрэл?

Хамтад нь бүгдийг авч явдаг байна даа?

Сэтгэл минь хөндүүрхэн болох юм эмзэгхэн

Сэрэх гэж ядсан хар дарсан зүүд шиг

Сэмлэн хаялах цасны энэ ширхэгүүд

Сэрүү татуулан үлээх юм зүрхэнд минь

Чиний ертөнц цорын ганц, онцгой, хувилбаргүй

Чин сэтгэл тэнд амгалан морилдгийг би мэднэ ээ

Чимээ үгүй нэг хором Нам гүнийг хүснэм

http://zeo.blog.gogo.mn — Tue, 28 Feb 2012 06:57:56 ULAT

Чимээ үгүй нэг хором

Нам гүнийг хүснэм

Үл таних хоолой

Хэний ч мэдэхгүй ертөнцөд

Үндэс ёзоороороо салж буй хашгираан

Хэнгэрэг хагалах шахам дэлдэнэ

Занг нь мэдэхгүй араншинтангууд

Дээр доор дуу авалцан тийчилж

Залуургүй онгоц дайвалзах шиг

Далайн шуурга дунд төөрнө

Чи чи.., бас чи хэн бэ?

Цас хаялаад л, би би мөн гэж үү?

Чшш анир чимээгүйг хүсэмжилнэ

Цантчихсан зүрх гүнээс үерлээд

Ганцаардалд гуниг нэмж

Ганцхан үүнийг л хайрлана

Чимээ үгүй нэг хором

Нам гүнийг хүснэм...

Даарч бичсэн шүлэг

http://zeo.blog.gogo.mn — Fri, 24 Feb 2012 21:19:14 ULAT

Даарч бичсэн шүлэг

Намар үүлэрхэг

Од харвахгүй

Хөлд хөглөрөх

Навчис хүртэл саарал

Нулимас бүрхсэн зүрх минь

Дусал бүрээ нуун мэгшинэ

Хайрын дууны нот

Сэтгэл чийглэж

Ганцаардлаар минь хөглөн

Гуниглалтай хамт эгшиглэнэ

Агаарт замхрах хоолой

Амлалт үгүй хоосон

Харцанд амьлах төрх

Тэврэлт үгүй хүйтэн

Итгэл ганцаараа ... гав ганцаараа

Мартахгүй үгүйлэнэ....

Хамгийн үнэ цэнэтэй үг

http://zeo.blog.gogo.mn — Mon, 13 Feb 2012 06:13:43 ULAT

Миний хувьд бол хамгийн үнэ цэнэтэй үгс

1.Хайр

2.Итгэл

3.Үнэн

Амьдралд төгс нэгэн гэж байхгүй шиг энэ гурван үг намайг бүрэн илэрхийлэхгүй ч би ийм л хүн.Хүний амьдрал юун дээр тогтдог вэ? гэж хүн бүхэн л асуудаг ихэнх нь хайр, заа тэнэгүүд нь мөнгө /уучлаарай гэхдээ энэ үнэн/ гэж хариулдаг.Дан ганц хайр байгаад итгэл үгүй бол оршино гэж үү? Хайр олон янз эцэг эх, дурлалт хос, анд нөхдийн гээл тэхдээ итгэлгүй бол тэр хайр гэж зүйл тэдгээрийн хооронд бий болохгүй, хайр гэж тогтнох ч үгүй биз.Хайрлаад байж итгээд байж болноо гэхдээ худал хуурмаг зүйл хамгийн шившигтэй нь энэ хоёр үгийг уландаа гишгэх биз харин үнэ цэнийг нь ганц үнэн харуулана.Тэхээр миний бодлоор энэ гурван үг салшгүй холбоотой.

Хүний нутагаас

http://zeo.blog.gogo.mn — Mon, 9 Jan 2012 06:50:35 ULAT

Хүний нутагаас

Хүний нутагаас

Хүсээгүй сэтгэлүүд нисэлдэж

Үнэн хоосон мэт авираа

Үнэлэмжгүй цас бороо шиг тараана

Араатнаас ялгагдах юмгүй

Араа шүдээ зуух ч багадах

Сэтгэл гэж нэрлэгдэх

Хүн чанар өөдөөс цэв хүйтнээр үлээх шиг

Сэтгэл гэж нэрлэгдэх

Хийсвэр зүйлээс ганцаархнаа чангаачихсан мэт

Инээмсэглэл хүртэл нуруунаас нулимах

Итгэх, итгэл төрүүлэх хэцүү цаг

Хугацааны давтамжинд амьсгалах гэж

Худалдсан авируудаас ичих шиг инээх шиг

Харц минь гуниг шивнэдэг

http://zeo.blog.gogo.mn — Mon, 26 Dec 2011 06:09:34 ULAT

Харц минь гуниг шивнэдэг...

Халааслаад аваад явчихмаар

Харц минь гуниг шивнэдэг

Нүдний минь өнгө хар биш бор ч биш

Хагацлын өнгөтэй өөр ямар ч биш би мэднэ

Яг тэгэж харагддаг

Яг тэр хөрөг шиг

Инээмсэглэлд далдлагддаггүй

Ил, сор ертөнцийг бүрхдэг

Навчис өнгөө алддаг шиг

Намайг хараад санаа алддаг би мэднэ

Тэр өдрийн баясгаланг чинь

Тэр дор нь харанхуйд живүүлчихдэг би мэднэ

Сүүдэрлээд сэтгэлийг чинь бүүдийлэгчихээд

Сүүмэлзээд салдаггүй бодлоос чинь

Өөртэй чинь тэрсэлдүүлж л

Өнгөрдөг, нэг л харчихвал чи гунигладаг би мэднэ

Харцаа би нуудаг дальдчин

Харцаа би буруулдаг би буруулдаг.

Цасан төгөл

http://zeo.blog.gogo.mn — Wed, 21 Dec 2011 07:33:09 ULAT

Цасан төгөл

Зүрх минь намайг тэвэрчихээд

Цасан төглөөр дагуулж алхсан

Яруухан сонсголонт нотууд

Зүг зүгээс будрахдаа

Цагаахан өнгөөр хуччихаад

Яг урууланд минь торон хайлна.

Хаялах тоолонд дулаахан дулаахан байгаасай гэж шивнэхэд

Хязгаар үгүй цасан төглийн ширхэгүүд

Уруулан дээр чинь аажим аажимаар

Урсахдаа тэнд л хатахыг хүссэн.

Өөрийг чинь тэнд төөрүүлчихээд

Өөрт минь гомдлолохыг хүсээд

Ширхэг болгоноо цуглуулж ийм их ийм их

Төсөөлөх ч үгүй тийм их хэлэхсэн

Шигтгээд өөртөө ухаангүй хайлуулж

Төсөөллөөс минь хүртэл ганцхан тэр л сүрчиг үнэртэг.

Хархан гэзгээ илбэхийг чинь хараад

Цагаахан гэсэр цэцэг минь гээд

Харцаа өнөөдөр л би чамаас нууж

Цантсан шилний араас тасралтгүй ширтэхдээ

Хав харанхуй тэр гүнийг

Цагаан өнгөөр хучаад цас, цасан төгөл гэж нэрлэсэн.

Зүгээр л надад өгчих юу ч бодолгүй...

http://zeo.blog.gogo.mn — Tue, 20 Dec 2011 06:49:59 ULAT

Зүгээр л надад өгчих юу ч бодолгүй...

Нүүдэллэн ирэх гунигийн нулимс чинь болчихоод

Нүднээсээ ч халилгүй, ганц ч дуслалгүй

Итгэл гэдэг үгийг хайр, үнэн гэдэг үгтэй цуг шивнээд

Инээмсэглэлээр чинь солигдохсон

Уураа гаргадаг чихмэл чинь болчихоод

Учиргүй өөдөөс чинь мишээгээд хайрыг чинь хүргэхсэн

Уйтгарыг чинь нимгэлэх мөрт харин болчихоод

Ухаан бодолд чинь мөнхрөхсөн

Зүрхийг чинь бүрхсэн тэр л сүүдэрийг

Зүгээр л надад өгчих юу ч бодолгүй

Сэтгэлийг чинь зовоох шаналал бүхнээ

Сэрүү татуулах тэр л үгсийг салхитай хамт

Юу ч бодолгүй миний зүг хийсгэчих ээ

Үзэг цаас чинь харин болчихоод

Үнэн сэтгэлтэй чинь үүрд хамт байхсан...

Ай миний үгүйлсэн сэтгэл далавчаа дэлгэн...

http://zeo.blog.gogo.mn — Wed, 12 Oct 2011 23:34:19 ULAT

Ай миний үгүйлсэн сэтгэл далавчаа дэлгэн...

Чиний амьсгалд хийсэх эмзэг аяс

Намуунхан тийм нэг эгшиглэнтэй

Зүрх зүсгэм, анхных нь бас сүүлчийнх нь баймаар

Зүүднийхээ зүүдэнд нуучихмаар хөг

Чинийхээ л хоолойг сонсох гэж

Чичирэн байж би өдөр болгон чихэндээ наадаг

Нүдний минь болор шилтгээнд ганцаар амьдран

Нүцгэн моддын дор сэтгэлээ хадгалагч үндэс минь

Нүүдлийн шувууд шиг нуураа орхин нислээч

Нуулгүй хэлэхэд чиний л зүрхнээс алхамч холдож чадахгүй ээ

Аяганаасаа дусалч халих дургүй нулимс

Аргадаж хэлсэн хэдхэн үгэнд чинь л

Амьсгаа авахын зуургүй цээжинд очоод үерлэчихдэг

Ай миний үгүйлсэн сэтгэл далавчаа дэлгэн...

Намрын бороо би шүхэргүй...

http://zeo.blog.gogo.mn — Tue, 13 Sep 2011 03:16:10 ULAT

Намрын бороо би шүхэргүй...

Навчсын цоорхойгоор

Тэнгэр өөд харах

Навчсын санаа алдалт шиг

Харцны минь өнгөтэй ижил

Зүрний минь цохилтоос

Тасарсан эгшиг сонсох шиг

Ханцуйн завсраар нэвчих

Харанхуйн гэрэл мэдрэх

Үүлэн дээр хөвөх намрын навчис шиг

Гуниг өдөржин зүрхэн дээр минь бүжихтэй ижил

Намар, намрын дуу чихэнд эгшиглэх

Нулимс хацар чийглэхтэй, ширхэг ширхэгээр

Намрын бороонд би шүхэргүй...

Нулимс сормуусанд шүүдэртэнэ...

Намарт л зориулж буй...

http://zeo.blog.gogo.mn — Wed, 31 Aug 2011 19:01:42 ULAT

Намарт л зориулж буй...

Шувуудын дэвэлтийг би гуниг гэж бодлоо

Салхи зүсэн агаарт сэлүүрдэж

Тааваараа тэнгэрт эргэж хөрвөөх нь

Санаа ихээр алдаад амсгаа авдаг шиг юм

Үүлний өөдсөөс атгачихаад

Үүр цайтал ч хамаагүй дүүлэх нь

Хүсээгүй ч холдоод одчилгүй

Хүлээгдээд суудаг гунигтай адил юм

Шувуудын дэвэлтийг би намар олж харлаа

Намрын наранд даль жигүүр нь

Гандан байж навчис шиг гэгээт харагдаад

Ганцаардлаа гунигаар халхалаад

Дэвэлт бүрээ намарт л зориулж буй.

***

http://zeo.blog.gogo.mn — Fri, 19 Aug 2011 22:15:43 ULAT

***

Харанхуйн анир чимээгүй дунд салхи хөгжимдөөд

Харанхуйн тэнгэрт одод ширхэг ширхгээр анивчина

Хязгаар үгүй мэт манан дунд модод дуулалдаж

Хязгаар нь алс үүлс дусал дуслаар аялгуулна

Ай гуниг минь ёроол нь үл харагдах уй минь

Аясаар нь эмтэрч

Анираар нь сэмрэнэ

Чиний бас миний

http://zeo.blog.gogo.mn — Tue, 9 Aug 2011 12:13:54 ULAT

Чиний бас миний...

Хараад л инээмсэглэдэг

Сар туяарсан харц, сар туяарсан чиний бас миний харц

Хүлээгээд л, итгэчихсэн

Бороон дусалтай зүрх, бороон дусалтай чиний бас миний зүрх

Хүссэн үгүйлсэн

Бээрчихсэн тэврэлт, чиний бас миний тэврэлт

Нуугдчихаад л гуниглачихдаг

Ганцаархнаа мэгшиж суудаг сэтгэл, чиний бас миний сэтгэл

Ширхэг ширхэгээр нь

Цуглуулчихаад хүлээж суудаг хүсэл, чиний бас миний хүсэл

Тэмүүлсэн, нулимстай

Дугтуйгүй захиа, чиний бас миний захиа...

Дуслахад бэлэн нулимс

http://zeo.blog.gogo.mn — Thu, 21 Jul 2011 14:38:56 ULAT

Дуслахад бэлэн нулимс

Дуслахад бэлэн нулимс

Өмнө чинь үйрэн унахад бэлхэн зүрх

Дуугүйхэн таг ширтчихээд

Өөрөөс чинь өөр хэнийг ч биш

Ганцхан түүнийг л үгүйлж

Гашуудлаас илүү гуниглан мэлтэлзэнэ

Ганцаардал минь мөрт болон хувирч

Дэргэд минь жиргэх шувууг үргээнэ

Өчигдөр орсон бороотой хамт

Өнгөрсөнд урссан нулимс одоо болтол хатаагүй

Өдөр болгон татаастай солонго

Дусал бүр дээр минь инээмсгэлсэнийх

Ундрага нь татраагүй булаг

Мөч бүхэнд оргилдог шиг

Уянгат тэр зүрхний

Мөрөөдөл болгон нь цацраг...

Тэр зүрх

http://zeo.blog.gogo.mn — Sun, 3 Jul 2011 02:05:55 ULAT

Тэр зүрх ...

Нулимсаараа чийглэн зурж үзүүлэвч

Хагацлын өнгөөр будчихдаг тэр зүрх

Нугын бүх цэцгэсийг зориулавч

Хатахыг нь л олоод харчихдаг тэр зүрх

Хуурын чавхдасын уянгыг мэдүүлэвч

Тасрахаас нь л эмээчихдэг тэр зүрх

Хурын өнгөөр сарниулавч

Ташуурчихдаг гуниглалдаа тэр зүрх...

Бороо...

http://zeo.blog.gogo.mn — Tue, 21 Jun 2011 15:24:06 ULAT

БОРОО...

Бороо

Чиний дуртай

Чиний гуниглалтай бороо

Уруулан дээр минь дуссан тэр ганц дусал

Уруулан дээр минь хатахыг хүссэн тэр ганц дусал

Уйтгарт тэр л үүлсийн ширхэг байна гэж гуниглалаа

Уйтгарт тэр л бүсгүйн илгээсэн нулимс байна гэж гуниглалаа

Уянгалан шиврэх түүнд улам ойртуулах бороон чимээ

Уянгат нотын ямар эгшигээс илүүтэй

Зүрхэнд л шивэрч

Зүрхэнд л шингэдэг

Хяруу унасан шүүдрийн дусал шиг

Хяруу унасан өглөөний цэнгэг агаар шиг

Юунаас ч сайхан тэр л мэдрэмж

Юунаас ч сайхан тэр л үнэр

Нар гийхэд солонго татдаг шиг

Нар гийхэд инээмсэглэл тодордог

Бороо

Чиний дуртай

Чиний гуниглалтай бороо...

Уучлаарай......

http://zeo.blog.gogo.mn — Sat, 18 Jun 2011 02:47:28 ULAT

Уучлаарай......

Тасарсан цэцэг шиг

Зүрхнээс минь цохилт мэдрэгдээгүй юм гэж үү

Тангараглаж сийлсэн

Зүрхний минь шүүрэл хүйтэн санагдлаа гэж үү

Хэсэгхэн зуурдын жаргалыг би хүсээгүй ээ

Хэмлэн байж сэтгэлээ шөнөөр нимгэллээ

Үнэлэмж минь ганцхан шувуухайруу чиглэдэг ч

Үгс минь үхэж өмнө нь сөхрөө юу даа

Хайртай гэдэг үгийг өдөр болгон нисгэдэг ч

Хаалттай цонх мөргөн борооны дусалд хамт урсаа юу даа

Хажууд минь алга ч сэтгэлийн чинь нулимс

Хацар шүргээд урссаан гомдлолгүй

Дусал нулимс чинь надад дэндүү үнэтэй атал

Аргадаж ч чадалгүй үерлүүлчихсэн би

Дутаахгүйгээр дусал болгоныг чинь цуглуулж

Аглагхан зүрхийг чинь дэвтээедээ

Уучлаарай......